影片
更多
2021-06-25
40 浏览
依排天气热，正餐都钟意食面多过饭，话矖都叫做湿湿地吖嘛～DIY Fuhn 自选汤粉汤底4选1,食牛河当然选牛汤 (除此之外仲有鸡汤，沙嗲汤同碌冧汁选）,牛汤清清地带点牛骨味，唔太咸。配料选左美国安格斯牛肉，牛丸，手打虾饼，鸡丸.美国安格斯牛肉片片切得好薄，易入口，牛味都好出，一啲都唔鞋！最钟意嘅系手打虾饼，好少有虾餠系食到一只只爽口弹牙嘅虾，而且炸到刚刚好，好脆口！香茅猪颈肉煎蛋饭 $78+16 升级套餐 （越式春卷加冻柠水）十分丰富！猪颈肉份量好多！啱晒我嘅食肉兽朋友！猪颈肉炒得好香，而且令立立，外表都拎到满分加埋靓靓太阳蛋，香香嘅蛋黄捞埋啲饭食，十分满足！
张贴
