品越越式料理 (雅蘭中心) (已結業)

同好姊妹庆祝生日， 今次大家都好有兴趣试下品越，所以我提早几日已经响openrice度订位了！ 我哋两个女仔拣咗二人套餐， 再加多碟蔗虾， 但系其实二人餐嘅份量都相当之大，包括有胡麻鸡丝扎肉沙律，鲜虾番茄蟹肉肉丸汤，越南小食拼盘， 扎肉两件，粉卷一件，春卷一条，虾饼四片) 主菜有蒜蓉牛油焗比目鱼配酸辣无骨凤爪，还有一个菠萝海鲜炒饭，两杯饮品， 而套餐入面本身系包括甜品嘅， 但系我哋当日冇留意到， 店员亦冇主动送上甜品， 所以就试唔到佢哋个甜品了！讲下食物方面:胡麻鸡丝扎肉沙律， 酸酸地味道几清新配埋鸡丝扎肉有咬口，好味！鲜虾番茄蟹肉肉丸汤， 汤有浓浓嘅鲜虾味道， 感觉唔错！越南小食拼盘， 最钟意食佢嘅虾饼， 春卷味道普通， 扎肉爽口！蒜蓉牛油焗比目鱼配酸辣无骨凤爪， 比目鱼多汁鲜甜， 酸辣无骨凤爪够开胃!菠萝海鲜炒饭， 呢个比较麻麻地， 炒饭质地太湿， 味道亦都冇乜特别！蔗虾， 一碟有四只蔗虾中间铺满沙律，蔗虾我都好钟意食，但系佢嘅感觉同虾饼好相似！ 如果叫咗虾饼就唔使再叫遮虾了！这间越南餐厅坐嘅位置都算舒适， 店员亦都亲切有礼貌， 只系没有提示客人还有甜品未上， 服务唔够主动。