一牛越南粉專門店 (已易手) 新餐厅

返工附近开左呢间越南菜，一直未有去试，终于有机会黎食下。叫左个套餐，有汤粉、小食加野饮，都几抵食。鸡丝扎肉河 $88虽然呢度既牛都出名，但估唔到鸡都唔错，肉质唔鞋几嫩。汤底鲜甜，配上香菜，甚有越式风味。河粉够滑，吸汁力强。越式春卷两件相比起烟韧软绵既紫米卷，我比较钟意呢个炸脆既米纸外皮，甘荀丝同粉丝口感都唔错。香茅鸡翼 $20单骨鸡翼食落都方便， 卖相呈金黄色相当吸引，口感外皮酥脆，肉质嫩滑够惹味。蜂蜜龙眼冰 + $8清甜可口，减腻一流，重有粒粒龙眼肉食添。