越式越好味 (已結業)

同事钟意食越南菜，发现公司附近开咗一间越南菜，所以今日就同佢嚟到呢间越式越好味。入面环境宽敞，装修简单，有点越南风情嘅布置。蕃茄蟹肉扎肉汤檬嘅汤底唔算太浓味，取而代之嘅系多咗一份鲜甜。除咗有蟹肉，仲有两只虾，简直系海鲜汤檬。蟹膏口感有啲似鱼腐，但当然系充满蟹膏嘅鲜味。呢旧黑色嘅原来系用叫香叶猪肉卷，非常特别。食越南菜当然唔少得汤牛河，呢个河内生牛肉汤河粉汤底味道都算浓郁，牛肉份量都多，配埋九层塔食真系正到不得了。顺化炸虾饼属于自家制嘅出品，店主冇提供泰式甜酸酱，而系用传统越南食法，加上葱油，又系另一感觉。