Le Viet (已結業)

平时都系去尖沙咀食午饭，今日嚟旺角行街，印象中都好似系第一次食佢哋嘅晚餐，估唔到晚市价钱都大众化，$60左右都已经有越式汤河及檬粉等，虽然唔会好似午市包饮品，性价比都10分高。除咗食汤可檬粉等，今日想试吓啲特色菜，原来其他特色小菜都要煮超过30分钟，所以点完特色菜先至嗌其他主食。生牛肉汤河，仍然保持一贯水准，牛肉嫩滑，汤汁清甜，份量亦足够一个人。烧猪颈肉檬粉，猪颈肉厚身，唔会太肥，猪颈肉加上檬粉汁，亦可以减少肥腻感觉。香茅烧乌头-$173，时间过得好快，食完两款主食后便煮好，一上枱已经好香香茅味，感觉新鲜，亦特登俾咗刀叉去分解鱼身，好方便将鱼分两半，鱼身肉质仍然保持湿润，加上特色辣香草酱，更能突出鱼嘅鲜味。