那個ㄋㄚˋ ㄍㄜ (利奧坊)

营业中

休息中

那个ㄋㄚˋ ㄍㄜ今次要介绍喺新搬舖开喺大角咀，而呢间一直爆红嘅台式料理餐厅叫「那个ㄋㄚˋ ㄍㄜ」。今次呢间「那个ㄋㄚˋ ㄍㄜ」餐厅入面好大，好啱轮椅人士入去帮衬，我原本想喺正门入去，店员带咗我去侧门，原来侧门更加方便轮椅人士入去，店员超细心，带咗我去一个位置较方便，之后就睇餐牌，呢间餐厅其实一直想去好耐，之前舖位好细，门口又有梯级，依家终于食到啦！1.秘制嘉义鸡肉丼饭+黑糖冬瓜茶（小杯）$48（8.5/10）呢碗秘制嘉义鸡肉丼饭入面鸡肉好多，鸡肉肉质比较瘦，口感似巨型板手撕鸡，如果鸡肉撕开幼身少少就比较好，仲有两条白菜，呢个套餐仲包埋黑糖冬瓜茶，呢杯黑糖冬瓜茶甜咗少少！2.起司玉米蛋饼$38+黑糖波霸牛乳（小杯）$12（9/10）呢个起司玉米蛋饼一共有6件，蛋饼烟韧，蛋饼入面好多粟米粒，有口感之余仲会甜甜地！饮品拣咗黑糖波霸牛乳，牛乳系采用香港嘅维记牛奶，奶味香浓，珍珠咬落甜甜地好烟韧！适逢中秋佳节，月饼早鸟优惠$198，月饼盒仲可以做灯笼，有开关掣识发光，仲会加送3张$80优惠券！如果口渴嘅话，佢哋依家仲推出所有饮品买一送一，外卖先有呢个优惠嫁！2人总共价钱$98个人口味总评分：8.