越男仔 (已搬遷) 新店位置

7点钟开始多人入座了，虽然店舖小小。五藏齐全。入面系开放式厨房，可以见到店员制造食物，但系唔会有重重油烟味。今次叫左海南鸡例牌，鸡肉唔老刚刚好。配有店家自己调配水果汁，酸酸甜甜咁愈食愈开胃。招牌生蚝椰汁酸汤汤檬粉，个汤好有椰汁味，酸味令到好醒胃，蚝件够大只同新鲜，仲加左两大只红虾，红虾都好鲜甜够鲜味。檬粉好大碗好底食，分量够足。不得不提甜得黎有小小辣既饮品，香茅姜蜜。如果热饮的话，感觉冻天饮会特别暖胃，但今次叫左冻，味道都唔错解渴一流。生牛肉河粉 河粉够爽口 牛肉较厚身。店员介绍加入大蒜头汁，钟意食得重口味既朋友会大大推介，味道更佳。河粉食落口够滑身，分量不错男士都可以食得饱饱同满足。