越棧越式湯粉專門店 (已結業)

越栈严格嚟讲啲食品唔算出色，都系一啲大路嘢，不过胜在街坊价钱，而且座位也算舒适宽倘，又有电视睇，可赚回些少分数。昨晚打完边炉，今日想食得轻一点，加上亚仔又同啲friend去咗唱 K, 所以决定同老公嚟呢度食下午茶餐。今次就点选咗：烟肉沙律蒜蓉包 ($15) --- 蒜蓉包烘得几脆，可惜沙律上嘅烟肉粒太硬吞拿鱼卷 ($17) --- 其实系用一块面包卷住啲吞拿鱼酱嚟炸，外皮炸得好脆口，不过吞拿鱼酱就太少了香煎鸡扒包 ($17) --- 个包系无问题嘅，同平时食开嘅猪扒包一样味道，可惜块鸡扒太干太嚡喇反而抵赞嘅系杯热柠水，咁细杯都落足4片柠檬。不过如果唔想食包或煎炸嘢，可以叫佢嘅越式汤粉餐，有扎肉火腿、鸡丝或生牛肉等，都系$16碗。我每次去食下午茶餐都见到好多对面吉之岛嘅职员上嚟食嘢。另外越栈晚上会有扒餐供应，逢星期一至五 价钱分为$26.8及$29.8。扒餐就包括有牛扒、猪扒、什扒及龙脷扒等。啲扒餐我试过就麻麻喇，大家乐嘅牛扒餐肯定做得比佢好，不过个吉列龙脷扒就的确唔错，块鱼虽然唔系乜嘢新鲜货色，但佢炸得金黄松脆，点上沙律酱或茄酱同吃，美味无比，越栈始终都系煎炸嘢取胜。