越滿 (已結業)

突然好想食越菜、好想食牛油鸡翼，就黎左越满。装修风格以绿色为主调、彩砖衬托。另一幅墙有越南妹妹Q版画，营造欢欣环境。二人晚餐A餐有牛油鸡翼，就选佢啦。生牛肉河粉：牛肉同河粉份量都几多，影得太耐嘅关系熟晒。猪耳扎肉河：5块扎肉、扎肉入面酿左猪耳同调味料，惹味而且特别有咬口。炒芥兰苗： 炒得非常入味，蒜香味劲浓郁。小食拼盘五选三（牛油鸡翼、牛展、河内鱼饼）牛油鸡翼外皮虽厚，但牛油味香，肉都几juicy。鱼饼内有马蹄好脆口，脆皮弹牙。烧原条乌头鱼 $98鱼肚塞满全部香料。葱、姜、香茅，香气满满。乌头鱼无多余嘅碎骨，啖啖肉，肉质弹牙。酸梅梳打、薄荷梳打俾一罐你慢慢斟黎饮。