越滿 (已結業)

今日星期六同两个朋友去开旺角, 四围都系人, 又唔想食谭仔, 有人提意去食越南野~ 我突然醒起系洗衣街水务局对面, 近排开咗间餐厅有间叫"越满" 主打系食越南野既餐厅, 成日睇杂志都有介绍过下佢~ 话佢几好食, 想试好耐, 今晚就试下佢啦~ 上到去间野都几大间, 7成入座, 有卡位的~ 坐得几舒服~哩间越南菜餐厅格调好新颖，无论系餐牌或墙身都有公仔图，充满食欲既风格！睇下餐版又唔费㖞~我同朋友一人拣左一碗汤河，朋友就拣日本和牛汤河，真识食，和牛皮薄好味。我就拣左牛丸汤河，牛丸够弹牙，汤河份量大碗，河粉幼身汤底清甜。小食方面拣左四款越式串烧拼盘，有鸡、牛，猪、猪肉肠，点住沙嗲酱来食，非常入味可口。另外点左庶虾四件，马拉盏通菜及咖哩牛腩+法包。庶虾大件抵食，通菜份量多，咖哩牛腩咖哩够晒入味，而且用慢火暖住，可以慢慢食，唔怕变冻！唔叫系捐失~~　正~ 值得推介~ GOOD~