銀杏館-越老 (已結業)

約咗好耐無見的朋友食飯，當然想搵個可以坐耐d又食好d的地方啦！ 我都明，好多食肆要番枱先賺到錢。而今次朋友介絕呢間就啱我地要求，又得食又可以吹水。 7點幾去到，爬咗一條長樓梯，就見到一間格調看似不錯的餐廳。最初我以為去錯地方，我仲望咗好耐，明明話係銀杏館，點解搞到尖沙咀西餐裝修的款咁，入到去有點意外；還以為這類的店會比較傳統。有位老友記招呼我地，介紹咗厚切豬扒飯，又叫咗個素的米紙卷，加多個灼菜；簡簡單單就夠。老友記見我地係咁傾計，就係咁幫我地斟水，搞到我有少少唔好意思。老友記叫我地飲多d水，對身體好呀，又問我地食完個豬扒覺得點；係出面的話，應該俾人趕走咗。好食又有人情味