面譜-京川料理 (已結業)

面谱既意思可能系面具，餐厅入边嘅装修连餐具都充满京川嘅味道。所以吸引好多外籍人士特别唔少南亚睿。餐厅天花挂住唔少嘅大型京剧面具，增加左好多中国嘅色彩。其实依间餐厅其存在一早已经知道，佢嘅隔离就系一间同集团嘅德国餐厅。虽然都系集团式经营嘅餐厅但系佢嘅菜式比起一般京川菜式比较特别。今次两人份量叫咗一个水煮臭豆腐，烤羊小腿。饮品: Margarita, John Jameson虽然系一间中式的餐厅，佢嘅酒精饮品都冲得有水准。水煮臭豆腐系我一个从来未见过嘅菜式，平时见到臭豆腐从来都唔会主动要求去尝试，一个半抗拒嘅食品配上钟情嘅煮法。一上菜闻到嘅只有辣味，以为臭豆腐只系一个配角，当咬开豆腐后专属臭豆腐嘅味道终于感觉到。就算食到一半臭豆腐嘅皮都冇因为浸得太耐而变淋。 佢最令我欣赏嘅系水煮煮分唔会有过分多既油，而且辣味⋯系非一般嘅辣。水煮入边起码超过一半嘅材料都系辣椒，辣嘅感觉系由喉咙慢慢Sun返出嘴唇，好耐冇食辣有嘴唇震辣既感觉啦。水煮入边嘅薯粉好滑好有口感，用嘅应该系唔错既来货，比起出边只有硬嘅感觉优胜好多。其实只要一个好味既菜式就可以攞到一个好评