越味皇 (已結業)

跟朋友再攞左假期下个月再去越南，但想飞嘅心情一早已经顶唔住。所以就食住先过下人口瘾，知道荃湾路德围一向都系美食集中地，就拣左呢度大吃一餐。招牌牛肉汤河。除左牛肉有啲过熟之外，味道都几唔错香料足，而且汤底入口甘香令淡味嘅河粉生色不少。牛肉好大块同同入味，食嘅时候加上少少柠汁中和一下个咸度啱啱好。越式柚子鲜虾沙律。新鲜柚子堆到山咁满，正！甜酸汁唔会过辣，配上柚子嘅微微苦味，虾肉爽口入味，连同柚子食好开胃。杂绵拼盘。份量好丰富，有蔗虾／牛油鸡翼／蒸粉粿／炸春卷。蔗虾肉质结实香口，虾味好浓又带点甜味，几好食。蒸粉粿嘅皮几烟韧，调味唔错。不过牛油鸡翼及春卷就油腻咗少少，味道唔算有突出。越式猪颈肉饭。一定要转做椰香饭底，因为个椰子味十分香，配上酱汁捞饭十分惹味。而猪颈肉好大块同烧得香口，咸咸地配饭食一流。越式烧鱼。用上䲝鱼即时烧制，所以都等左一阵，但因为细微鱼骨全无，所以可以大啖大啖咁食唔怕骾骨。鱼肉偏结实但油香依然足够，爱鱼朋友不能错过。越式滴漏冻咖啡。咖啡味香但唔会太苦，搅匀炼奶黎饮几香滑，饮后一杯咖啡，消腻又醒神。正。椰青清甜又解暑，啱晒近排炎炎夏日。近近地唔使飞越南都食到正宗越腩味道，荃湾