越滿 (已結業)

今晚买完玩具又约咗家人去食越南粉，洗衣街有一间小清新嘅越南料理店。四人晚餐经济又矜贵，一于试吓！快人一步理想达到，最后一个卡位都俾我哋坐到。四人餐内容基本上都啱食，唔使太伤脑筋，净系拣个小食同埋主菜搞掂！西贡牙车快沙律，几块大虾片非常有特色，鸡丝椰菜加埋特调酱汁，口味清新，开胃又健康。牛油鸡翼，皮脆内软的，肉汁鲜甜，劲香嘅牛油味，四只真系唔够食，好想再食多几只。越式炸春卷，口感同味道都够晒正宗。原条烧鱼，啱晒钟意食鱼嘅朋友，烧鱼皮好脆，切开鱼肉嫩滑，不用任何酱汁都已经很鲜味。同埋最紧要食得出系好新鲜。炒芥兰苗，翠绿爽口，蒜蓉惹味可口。劲正越满和牛汤河，呢碗河粉好 fusion，当中有日本和牛、澳洲和牛、美国牛小排牛丸，肉质柔软，入口即溶，而且肉味浓郁，牛肉控不能错过。套餐仲送埋嘢饮，薄荷叶青灵梳打，coconut water 都系我推介之一。平均每位＄125 真系好抵食。