傷心酸辣粉 (科學館道) (已結業)

「伤心酸辣粉」开左咁多年，本小姐都系几个月前去话铜锣湾间果间「友心私房菜」，果时都无机会食佢地既酸辣粉，所以其实今日系第一次食架。夜晚8点到黎到，唔洗等位，真系好。入到黎睇到餐牌，真系大开眼界呀，种类非常多，咩都有得食咁，连2人餐都有好几个拣。我地最后拣左个「2人自选套餐」，有2碗酸辣粉，同埋3个小食，自己可以另外加饮品。3个小食分别叫左凉拌海带丝，皇牌口水鸡同埋细油脆耳。3个都拣左要中辣。凉拌海带丝卖相好一般，无咩吸引到我，下次唔会再叫。口水鸡辣度适中，不过鸡翼尖就比较多，虽然D鸡俾大量辣油浸住，睇落有D恐怖，但系食落真系几好味。细油脆耳好惹味又弹牙，爽爽脆脆咁好快就食晒，值得一试。呢碗酸辣粉先至系全晚既精粹，平时食云南米线都食小辣中辣既我地呢碗酸辣粉我地叫左小辣既薯粉，真系越食越伤心。酸到流口水就无啦，不过就真系「辣到流眼泪，麻到无感觉」，小辣都算几辣，比起平时食开既云南米线既中辣仲要辣几级，下次都系试BB 辣好D。不过薯粉都几烟韧同有口感，配料仲有芫茜、花生同炸菜，够晒香。