傷心酸辣粉 (科學館道) (已結業)

未试过尖东分店，今日就黎呢度食啦。上到去，得几枱客，好静局下，一入门口就示意可以坐卡坐。次次都系食二人套餐，今次食下一人餐先。都已经成点钟，废事食二人餐咁饱。酸辣粉bb辣，食落完全唔辣，亦唔酸，同其他分店味道差好远。酸辣粉走辣，汤底无味，红薯粉不仍硬身，真系几难食下。口水鸡，一人份细好多，雪柜味，汁不辣，鸡亦无味。卤水并盘，有啲咸味，但有啲苦味，怪怪地，唔好食。冻柠茶，一杯正常一杯走甜。全餐最好嘅野，有茶味有柠味啰，上次食个间分店杯柠茶成杯泥水咁。两个一人餐加埋比二人餐平三十几蚊，但份量少啲又无左青瓜，计落无咁抵㖞，不过呢间分店咁唔掂，应该唔会再黎了。