Prime Pho (已搬遷) 新店位置

黎得中上环区，通常都系食西餐，但系咁啱见到呢间新开嘅越南餐厅，又唔太食想西餐，就入咗去喇，其实餐厅占地唔多，坐得大概20人左右，我同男朋友就被安排坐吧枱喇睇一睇餐牌，系呢区黎讲都唔算贵，款式都唔系好多，不过胜在嗌一碗面可以额外加钱食唔同嘅小食，试多几款野~先黎系加钱嘅小食，越式炸春卷，春卷唔系好长身嘅，而且啱啱即刻炸嘅，所以真系超热，小心烫口啊，由于系炸嘅关系，会有少少油腻，好在旁边有生菜同腌酸萝卜，可以清一清味蕾另一款小食都系炸嘅，就系越式炸鸡粒，炸物其实真系难以抵挡，无咩可能会唔好食(咁都要炸浆整都好嘅)，鸡肉好嫩滑，大小啱啱可以一啖食晒，好方便之后黎咗都系加钱嘅饮品，芫茜特饮，由于我超钟意芫茜，一见到有就想试喇，大量嘅芫茜加入埋雪碧，其实味道唔多似雪碧，有可能搞错，用咗梳打水，虽然有大量嘅芫茜，但系味道唔系太浓，有淡淡嘅香，有啲啲失望，不过饮落好清凉爽快另外一杯系青柠梳打，前者嘅雪碧可能就用调转咗黎呢到，酸酸嘅味道同样清新，饮完好凉快，而且又可清一清啲炸物嘅油腻感一阵之后，主菜招牌Pho特别就送到喇，份量都真系唔惹少，大大碗又足料，呢碗越式河，其实都算系牛魔王河，因为入面有生牛肉