Pho Metro (已結業)

铜锣湾一向多野食，今日行下行下竟然发现到呢间越式小店，睇完餐牌觉得几吸引就入左去~七点钟入去，店内人不多，马上就可以入座~肚饿既我们好快就决定左叫个顺化牛肉扎肉粉(转米线)、越式香茅烤牛肉金边粉、煎虾饼、炸春卷，而饮品就试下芒果沙冰同埋热咸柠龙眼蜜。炸春卷和一般越南店一样，春卷配合生菜包住食，虽然份量少了点但不得不赞既系春卷炸得好香口，跟碟的淡淡酸汁配合下口感不错!煎虾饼黎到既时候我地仲谂紧有冇叫错，原来系煎不是炸，哈哈。感觉比炸虾饼冇咁热气，食法同样是配合淡淡酸汁而不是甜酸酱，食落口感几清新，推荐可以试下。至于顺化牛肉扎肉粉，男朋友就好钟意呢碗粉，入面随左所有料佢好钟意之外，佢特别钟意个汤底，浓味中带有小辣，非常滋味。我碗越式香茅烤牛肉金边粉亦都非常吸引，男朋友试完后就觉得好后悔叫左米线，一啖金边粉一啖汤咁食，佢差啲想食埋我个碗。不得不推介的是另外上的香茅烤牛肉，厨师烤得非常好食，肉汁淡淡渗出肉身，食落口好JUICY，正!!!饮品方面，比较意外的是咸柠龙眼蜜原来可以做热饮，开胃之余亦有饭后消滞既感觉!男朋友的芒果沙冰较淡，配合浓味的菜式岩岩好!呢间小店感觉不错，越南食品黎讲，算系高上