越北牛肉粉專門店

营业中

休息中

朋友话想食生牛肉河，甘我哋就揾左一间越南菜 — 越北。舖头装修好雅致同干净，卡位同四人方枱比例大概五十五十，我哋比较早到，所以好彩有超舒服卡位！见到餐牌嘅一人combo大概$86至$92，包一款面食、一款小食同一杯饮品，都算几抵又啱食就叫咗两个餐。越北生牛肉牛腩片汤粉（$90套餐）有生牛肉片同牛腩片两款肉，生牛肉喺热汤入面轻轻灼熟，入口好软嫩，蘸是拉差辣酱食就更加惹味！香浓汤底配上青辣椒同青柠，感觉更清新！岘港虾头膏酸辣海鲜汤檬（$92 套餐）配料有青口、蚬、墨鱼仔同肠仔，酸辣汤底入口几鲜甜，比我想像中辣，但啱晒重口味同钟意刺激辣味嘅朋友。