板長壽司 (已結業)

琴日系马鞍山行过见到有板长寿司，谂住日本料理会为自己带来一番满足，于是就食黎试下啦，点知今次真系一试难忘。系晏就时段见到人流唔算多，初头入到去带位的女职员都几有礼貌的，以为贵公司服务质素会唔错。系点完餐等野食既途中，见到某啲侍应、主住(?唔知咩职位 只见佢著黑色衫的制服)西口西面，周不时仲指手划脚声大大咁倾计、讲粗口😅极影响顾客，最令人无奈系要被迫听佢地讲其他同事的坏话😅可想而知工作环境同气氛都不好。野食方面，鳗鱼寿司亦算大旧👍🏻真系要比个赞👍🏻👍🏻见有几枱唔同客人都点左油甘鱼寿司，一心想试日本料理既我紧系唔执输啦！碟油甘鱼寿司望落都尚算新鲜，口感亦为不错👍🏻。但所有野真系差在服务态度😅有位高、肥的男侍应态度略差，放低食物时又唔会讲系咩黎，就咁大大力放低就走人😅以为佢赶住去收工食饭，点知系赶住去玩手机兼同其他同事高谈阔论，最后要问其他同事先知黎左碟咩寿司😅枱面上无芥末供应比客人，而枱上的水壶同样是无水，放系到系为左摆设定咩？😵食嘅过程只见到几个似系最细职位嘅同事系做紧嘢，其他就似花瓶，得个摆字，十问九唔应。食完心情都唔太好，谂住埋完单拿拿声走人就算数啦，但你地公司啲同事成身烟味，由其系