火山石石鍋手打烏冬專門店 (已結業)

火山石石锅手打乌冬专门店@旺角位于女人街既火山石乌冬系几年前一直都系我既最爱,猪骨汤好好饮,牛肉好嫩滑好好食，当时价钱亦都唔贵。但而家既火山石乌冬出左名之后，味道差左，价钱亦贵左唔少，真系几失望。当时系情人节同女朋友食，唔洗等位，入到去后，我地两个都叫左我地既最爱＂安格斯牛肉猪骨汤乌冬＂同煎饺子。煎饺子(5/10)等左一阵，煎饺子先黎到，一客好普通既饺子，不值一提安格斯牛肉猪骨汤乌冬(５/10)黎到系好滚好热，乌冬上面除左牛肉之外，仲有一只生蛋。黎既时候牛肉系未熟既，要自己浸，好似食越南生牛河咁，但安格斯牛肉煮左一阵已经好老，唔好食，以前既火山石乌冬，牛肉煮极都唔会咁鞋，其实反映左佢牛肉质素差左。生蛋方面，我同女朋友非常喜欢将生蛋浸到半熟，然后自制流心蛋，好正。乌冬既质感亦都好似煮耐左咁，真系好失望。而猪骨汤方面，我就认为同以前差唔多。最后，其实我地怀疑可能厨师转左人，食物真系无以前咁好食，我地都唔打算再去食。