紫 (已結業)

男友生日想食铁板烧，系openrice茫茫大海中，揾到呢间日式铁板烧。套餐形式上菜，我同男友分别拣左烧海鲜同厚烧和牛。围住铁板炉边睇厨师烧 ，边享受美食！所有食材都好新鲜，龙虾、鲍鱼活生生咁呈上，不得不提是晚Teppan head chef 铁板烧技术一流，样样都烧得岩岩好，由头食到尾非但无油腻感觉，用简单嘅调味就带出食物的鲜味，好幸运赶上呢程尾班车。听闻铁板烧做到十月中就唔做，转做其他菜式，有点可惜，因为系香港要食到好食嘅铁板烧，唔系易事，尤其 好厨师难求。做餐饮，除左客服，灵魂所在都系厨师同食材品质。题外话，餐厅自制咖哩雪糕系好味特别嘅。