越興園越南菜館 (已結業)

迟迟都未能写出呢个食评, 点解? 因而呢度食得唔过瘾, 所以冇晒心机去写, 今日终于的起心肝, 等我尽我能力去谂下我食过d咩先!都几个礼拜前黎呢度食晚饭, 坐底睇左一阵决定要个二人套餐, 套餐有春卷, 黑椒牛仔粒, 炒金边粉同埋越式牛肉虾片!春卷有四件, 好脆不过炸得太, 非较干身, 师傅食左一件就冇再食, 麻麻地; 黑椒牛仔粒好香黑椒味, 而牛仔粒都好松身, 本来都几好味, 不过太咸喇, 食到好口干; 炒金边粉算系全最好味野食, 炒得好香同埋d料都好足下, 正呀; 越式牛肉虾片之前同女友试过后佢好钟意, 所以再安歌多次, 点知佢d虾片唔脆仲要好腍, 粉丝系有好多, 不过d牛肉太老, 完全唔好味, 放左入口都唔再吸引到我食, 所以食净晒但系都冇计!总括黎讲呢间唔算出色, 同区师傅我就一定唔会再黎呢间喇, 而且招呼唔算十分好, 个伙计好似唔想做, 净系茶都唔会冲多次啦, 绝对有赶客感觉! 埋单连加一都差唔多要两旧水, 师傅我就觉得一d都唔抵食喇, 如果要帮衬我会去番花园街间喇, 至少个感觉好好多!