THIRTY'S

营业中

休息中

早几日打电话落去餐厅叫早餐外卖，我讲到明我11点要开会，所以我有问依家落单赶唔赶切，因为我打电话已经系10点45分，职员仲话一定赶得切，于是我们落左单。去到餐厅已经10点55分，我一入到去餐厅想卑钱，职员先施施然话我份餐无材料，所以无整。佢仲问番我要转食乜？我第一下就问”点解依家先讲，头先打电话落黎个阵无材料应该讲了？或者系咪都应该打番电话同我讲？咁我可以叫另外一个餐？”职员话”我无你电话号码☎️”我真系一把火🔥呢个世界有来电显示功能架！！！另外，你听电话的唔识问我攞电话号码？唔该唔好将个问题变左系个客的问题！我作为食客好直接，打电话叫得外卖就系想食野，你明知我11点要开会，根本无可能黎到再等你舖头的厨师煮，再快的厨师都要几分钟了，我当下仲有5分钟就要开会，我点会有时间仲同你慢慢等？最后，因为时间关系，我无时间再去另一间餐厅买外卖，我饿住咁开好漫长的会，多谢呢位赶客的职员！我将不会再有机会试呢间餐厅的食物，因为我不想犯同一样的错，浪费左美好的早上。