甜品革命 (已結業)

今晚又路过此店，女朋友见门口话有焦糖布丁，想入去食。入到去我同女朋友系坐埋o系一边，唔系相对而坐，个 waitress 即刻讲定话阵间多人就要掉返位，我心谂当时已经十点，唔计我地场内得四个客，而隔离一对男女都系坐埋o系一边架㖞，驶唔驶咁紧张先?!我地见个餐牌无焦糖布丁，就问个 waitress，佢就话原本系外卖至有，不过又话都俾我地叫，同埋叫我地再叫其他野食。咁我地叫住一个试下先。黎到个焦糖布丁，成个统一布丁咁o既样，我真系睇唔出有咩分别，我自己去超级市场买唔驶收$20 咁贵呀，你系咁易都用火枪烧块焦糖面呀，系咪悭皮+懒到咁呀?! 见到咁都唔想叫其他野，谂住食完走人算。埋单个 waitress 仲要同我讲话下次唔会咁卖俾我地，又讲多次系外卖至有，仲要用好不屑o既态度"飞"张单o系台面 我想话下次我唔会用$20买个我唔驶$10都买到o既布丁啦 ，妳咁o既赶客服务态度，我唔会入黎添啦。