河內大娘越南餐廳 (已結業)

LUNCH嚟食，见无乜人就入咗去。同朋友叫咗午餐，2碗粉加饮品（少冰）。一上枱就已经溶咗一层水喺面，咖啡味酸有㶶味....碗粉叫了金边粉，却嚟咗河粉，咁照食无所谓啦。味道OK唔差既，但发生咗件事真系O晒嘴....我食完碗粉用牙签了牙，放左喺枱面。而朋友未食完，点知个阿姐问都唔问，执起我支牙签直接掉去我朋友碗粉度「食完啦嘛」，我朋友即时呆咗，因为佢仲未食完，只系倾紧电话...咁当然个阿姐连道歉都无，好似怪我哋唔讲清楚咁，明明佢无问到就想执走我哋啲嘢，（果时间餐厅一半客都冇，又无人等位）完全系赶客！！！今次真系可以话，可一不可再 ✋✋