Tonkotsu 8 by 三田製麵所 (Citylink)

营业中

休息中

是日9：30入座，有张四人枱无人坐，店员都不俾我地两人坐，要搭6人枱坐，其实都算系最后一轮入坐，又无人等位，系咪真系咁唔识做呢。入座后，店员说10：00 last call, 10:30关门，睇紧menu 途中，店员三次走埋黎问系咪点菜，我心谂，我好似无嗌你话点菜㖞，我都唔理佢，赶收工唔好招呼我入黎食嘛，仲有半个钟先last call, 未有耐收工㖞，食碗面要几耐呀，我食完你都未到last call 啦。到我点菜既时候又好似好赶时间咁，点咗碗拉面，一个爱美丽既店员问我面要淋身，硬身，定适中，但佢讲得太快，我都唔知佢讲咩，问佢咩话，佢即时黑我面。喂，我黎消费架，我唔系黎阻你收工架，你自己讲野一旧旧，仲要黑面怪我听唔到，咩服务态度呀，唔该检讨下自己先啦，仲话日式拉面店，似一间茶餐厅多d啰。讲番食物，以我女仔既食量，碗面真系唔系几够饱肚，块叉烧又薄，味道亦一般，仲有半只溏心蛋，味道叫ok, 冇其他蔬菜类既配料, 咖哩汤头味道还可以。如果有其他选择，回头既机会不大 ，我唔想再俾人黑面。