金萊餐廳 (已結業)

星期六1130铜锣湾揾间快食，见有新餐厅开唔洗排队就试吓新嘢。一入去坐低已经发现佢唔多够人手，但个阿姐好好礼貌又坐得唔密都几好。1134叫左个常餐，之后见付近食客同阿姐的对话就发现又有人退食物又有人催单，已经有少少惊。大概10分钟来杯冻柠茶，虽然都有啲慢但系味道正常嘅。其实我要食个快食因为1215就要走，本来谂住快餐九个字乜都够啦，点知11:50仲未有嘢食咁我就问阿姐，佢话五分钟到。1155仲未有，再催又话两分钟。最后12先到，即系等咗差唔多半个钟先有嘢食。其实佢个饭几好食卖相唔错，不过我赶时间冇影相。快食完比钱，我见八达通唔够钱我又只有$500纸未比$500找啦，点知咁大间餐厅$500都冇得找，咁唯有用到八达通负数啦。总结呢间餐厅食物唔错阿姐态度几好，但佢完全系未ready 就营业，未坐满都做唔切，连散纸都未准备好。赶时间千祈唔好去，大把时间慢慢坐就啱你。