味千拉麵 (已結業)

今日做野咁啱路过尖沙咀，有幸同男朋友仔食个午饭。事关我地大家都赶住做野，就把心一划，落楼下个food court度觅食。好可惜，呢度已经被攻陷了，我地黎到味千门口，见到有位，行埋去见到要收加1，谂住快快医肚既我地谂住都唔会贵好多个10几20蚊就当买个时间同买个位坐。立即叫野食，侍应再次提醒有收加1，我地表示okay便即刻落单！我拣左要豚肉拉面。叫左之后佢落单行返转头过要10至12分钟，男朋友仔话okay，我地就好Sad咁开始低头㩒电话做野，2个都不停手！等呀等，个面终于到喇~ 饿死左我地。我地2个继续低头，不过今次系搏命食，夹夹下，我发现我碗面啲拉面一旧旧，好似未煮开咁，好伤心，但因为要快，同唔想等所以冇出声。个面质地唔差，但真系未煮开，相信系先前煮好准备午市用既原故，所以佢地叠堆晒。个汤都唔错，但相比地坊间啲日式拉面店，当然冇咁出色喇。不过味道都算几好。另外到豚肉，好多块薄薄片，奈何太dry，唔系应该会更好。总括黎讲，系自己赶时间既情况下系一个咁爆既food court揾到一间唔洗自己揾位就有位坐，味道又唔差既拉面，其实真系几幸福。