日の苑西日式外賣專門店

营业中

休息中

我地3人于12:48落order叫野食，叫左两个便当餐，一个散叫寿司同小食，今日唔多客人。我地等到13:10 忍唔住要追野食，因为见到迟过我地嚟既客人野食在13:00已到达，追单后听见厨师讲：嚟紧啦，然后我地等到13:15 先到了两个便当，足足等左25分钟。「便当」意思是「便利的东西、方便、顺利」，为了节省时间以及省却煮饭、洗餐具等工作。然而我地等了25分钟，对于只有一小时食饭时间既打工仔嚟讲真系好赶，来回公司等lift都需要时间，即系得返10-15分钟食。其实13:15都未嚟齐啲野，仲有个散叫寿司13:17再追单，其后13:19分先到，真系食得好赶，当询问女侍应点解咁耐先到，佢答：外卖多单呀，佢跟著嚟做，咁点解人地个饭快过我地呢，佢就走左，然后当我地食左大约3分钟，女侍应就放低午餐送既雪米糍，大佬，岩岩食咋，咁快就送低个雪米糍，而家夏天嚟，好快溶，食落去会有菌嫁，跟著我就问佢 可唔可以迟啲先拎嚟呢？我地都未食完，佢答我：惊你要个阵食唔到。想问问点样要个阵会食唔到呢？呢啲服务态度真系差，系咪要送到溶晒有菌俾啲客食落肚，肚痛再揾食环告你？奉劝各位赶时间既打工仔唔好嚟食！惊你地食到一肚火！