Masala Train (已結業)

因为同事呢个星期六日要北上，所以衬午饭时间陪佢黎湾仔唱啲人民币。湾仔天桥下集中咗好几间兑换店，格吓几间兑换率后同事就唱埋人民币。见剩返少少时间，正正经经坐低喺餐厅的话又怕唔够时间食㖞。就喺返附近有无啲小食快餐可以买返公司啦。我哋分别都点咗Chicken Keema Roll五香鸡丁卷同饮品Mango lassi。Chicken Keema Roll五香鸡丁卷－呢度既鸡卷系即叫即做，睇住侍应一层一层咁将不同既食材放上去，然后卷在一起。呢个鸡卷入面都好多蔬菜类既馅料，例如洋葱、蕃茄、生菜等等，啱晒上星期上磅又重咗既我。五香鸡肉味道浓郁惹味，一阵强烈印度香料既香气！Mango lassi－许留山芒椰既朋友，芒果味加上少少乳酪味，不过呢度许留山芒椰既无咁甜，无咁甜系好事，感觉上健康得多！总括黎讲，呢度好适合赶时间既时候用黎医肚，下次再黎试吓佢其他口味既卷先。😊