金滿象正宗泰國菜

营业中

休息中

黎开旺角唔知食咩好，想揾间平平地既又唔想鱼蛋粉咁dry，见到呢间野门面唔错就入左去。泰式海南鸡饭 - 配上油饭，油饭得个油字，无鸡味既。鸡肉尚算OK，几嫩。另配一碗萝白清汤，又唔错㖞，食落D萝白无渣，清甜。成个饭食落就真系无咩特别。不过配左小量鸡红同埋鸡肾，味道又几特别㖞。海鲜冬荫功 - 正宗香港人喜爱既口味，因为佢唔系辣既，仲有小小甜味，不过d海鲜就煮得太耐，好似食紧香口胶咁，而且系香料味唔算重。鸡丝猪颈肉捞檬 - 平时食开d 捞檬系冻既，今次就暖暖地好似岩岩煮完，唔知系咪泰式唔同d，感觉有d 唔惯。鸡丝几嫩，猪颈肉就岩岩煎起。味道唔错。虽然出面无人等紧枱，但系侍应见你一食完就帮你收哂d野，好似叫你快d走咁。另外呢到茶餐厅feel系收加一服务费。