金記粥店

营业中

休息中

路过渔湾邨，真系地灵人杰空气青新，难怪居民有知慧用民意将条「架两」烂树根连根拔起。送走「架两」食「炸两」，熟食中心中都有创意料理叉烧肠炸两、牛肉睇炸两同虾米肠炸两，款款$20，而且个个有朵，就系「叉烧卷」、「牛肉卷」同「虾米卷」。一向钟意食肠粉，不过好少会食虾米肠，因为总觉得虾米硬嘅质感同软滑嘅肠粉唔多夹。不过呢个虾米卷唔会，虾米唔会过硬，同肠粉融为一体。即叫即整，要等两三分钟。一上枱，分量好似系一般粥铺嘅两倍，成碟小菜咁，净食呢味都已经超饱。油炸鬼仲系脆身，有少许油臭味。豉油偏甜。肠粉爽身。传统老店无麻酱供应。呢度嘅甜酱较稀身，古早味浓。辣酱唔系一般净鲜橙色余均益，呢度嘅颜色同质量偏向似中碎咗嘅腐乳酱颜色，中间见到辣椒碎。甜辣混酱令炸两食味更丰富，也能中和油炸味。