影片
更多
2021-10-31
205 浏览
朋友话出嚟聚聚顺便食生日饭， 就揾啲平日唔多去的地方。 咁啱见到大埔呢间， 超过380个笑的食评， 应该唔会伏卦， 就试试佢。半个月前用open rice app订位， 首先冇打嚟reconfirm 时间， 唔紧要， 反正自己有mark 低。 跟住写咗Birthday Dinner，冇提冇问， 唔紧要， 反正男人老狗。今日嚟到， 眼见餐厅几细间， 只有5~6张四人枱+bar枱， 不过后来隐约听到好似有二楼。因为只收现金， 朋友就出咗去㩒钱而我哋就睇下食咩， 唔够10分钟之内已经问咗我哋两次食咩， 驶唔驶落单先。 Ok， 咁拣好就叫啦，原本点咗四个前菜， 因为唔知份量，就话主菜之后再叫， 点知居然听到 “因为我哋用餐时间只有70分钟， 所以可以order定先再上”。 我真系打个突， 70分钟？ 连个半钟都冇， 而家系返工午饭时间定做节高峰期？ 定系旺角大排长龙米猪连？ 计埋我哋谂的时间咪得番一个钟， 𠮶刻真心想起身。 另一个女侍应就话， “其实都会睇番食物出的时间同客人等位情况的。” 咁都正常啲。。。 不过好戏在后头。我哋前菜点咗 “蟹饼”、“虎虾沙律”、“香肠拼盘” 同 “法式田螺”。
半个月前用open rice app订位， 首先冇打嚟reconfirm 时间， 唔紧要， 反正自己有mark 低。 跟住写咗Birthday Dinner，冇提冇问， 唔紧要， 反正男人老狗。
今日嚟到， 眼见餐厅几细间， 只有5~6张四人枱+bar枱， 不过后来隐约听到好似有二楼。
因为只收现金， 朋友就出咗去㩒钱而我哋就睇下食咩， 唔够10分钟之内已经问咗我哋两次食咩， 驶唔驶落单先。 Ok， 咁拣好就叫啦，原本点咗四个前菜， 因为唔知份量，就话主菜之后再叫， 点知居然听到 “因为我哋用餐时间只有70分钟， 所以可以order定先再上”。 我真系打个突， 70分钟？ 连个半钟都冇， 而家系返工午饭时间定做节高峰期？ 定系旺角大排长龙米猪连？ 计埋我哋谂的时间咪得番一个钟， 𠮶刻真心想起身。 另一个女侍应就话， “其实都会睇番食物出的时间同客人等位情况的。” 咁都正常啲。。。 不过好戏在后头。
我哋前菜点咗 “蟹饼”、“虎虾沙律”、“香肠拼盘” 同 “法式田螺”。 个香肠拼盘有三款唔同的种类， 配上薯蓉同少少酸菜， 味道正常。 虎虾沙律就里面有啲黎麦， 一堆沙律菜同三只细虾， 系咪虎虾就唔知， 但就得三只， 可能系预俾三个人share卦， 唔紧要， 我对海鲜冇咩喜好， 让俾其他人食， 啲菜都几清新。 个田螺有六粒，都系正常嘢， 有薯蓉垫底。 前菜以个蟹饼最好食， 个面有少许煎过，蟹肉亦够多够香。
香肠拼盘
5 浏览
1 赞好
0 留言
虎虾黎麦沙律
6 浏览
0 赞好
0 留言
法式田螺
12 浏览
0 赞好
0 留言
蟹饼
13 浏览
0 赞好
0 留言
嘢饮我哋就点咗4杯夏日推介的特饮， 个名几好听 （只记得其中一杯），颜色亦夏日， 但味道就。。。 杯 “美女与野兽”， 有青瓜、橙汁、柠檬汁之类， 张相系橙色的， 但最后出嚟居然系绿色， 亦完全冇橙味， 朋友话似药水。 而另外3杯就不过不失，但就几甜，我沟咗三次水。
美女与野兽
$68
14 浏览
1 赞好
0 留言
唔记得名， 净系记得有蝶豆花
$68
9 浏览
0 赞好
0 留言
无酒精百香果mojito
$68
10 浏览
0 赞好
0 留言
当黎个蟹饼的时候侍应又再提 “用餐时间只有70分钟， 不如开始准备主菜”， ok， 又再提醒我只有一个钟， 即系叫我好快啲食吖， 咁就讲冇问题啦。 跟住一等就等咗差唔多15分钟， 我哋都担心食唔食得切。
先嚟过 “卡邦尼意粉”， 中间有只糖心蛋同几片Pama Ham，睇食评好似话啲意粉系手工做的， 比一般的粗身， 亦几烟韧， 所以都几有口感，但个酱汁有啲淡同浠， 分完第二叉俾朋友已经见到水滴滴咁， 而且分量偏少， 到我碟已经得番一啖， 直头分唔到第四注。
卡邦尼意粉
$168
11 浏览
0 赞好
0 留言
食完个意粉又再等多10分个牛扒先到 （即系用咗25分钟整）原本系好事，可以俾我哋倾下计， 但以 “70分钟用餐时间” 黎讲就只会系压力啰， 因为期间班侍应已经不停行嚟行去喺度望住。
好啦， 终于都到，首先 一望配菜又系薯蓉 。 连薯条都唔俾， 可能简单快趣， 又或者牛扒配薯蓉夹啲卦， 不过有其他选择会好啲啰。 个牛扒味道其实ok的， 不过只有大概8oz，薄切只切到5.5块， 已经连埋两边的片头。 我哋用咗唔该10分钟KO咗碟牛扒， 因为侍应又走埋嚟， 今次已经唔讲70分钟， 系直接话Last Order， 仲有冇嘢加。 个时只系差唔多8点， last order? 算吧，都已经冇mood，当然回应唔驶。 跟住唔驶5分钟就队张单埋嚟
牛肩肉扒
$228
6 浏览
0 赞好
0 留言
埋单差唔多一千， 呢餐只能讲不过不失， 冇咩特别啰， 但以“70分钟” （起码被提醒4以上）， 绝对有更多同更好的选择，亦唔会有第二次。 出到门口，鬼影都冇只， 根本就唔驶咁催啰。 嬲嬲地加上完全唔饱， 最后走咗去食碗蛇羹+糯米饭， 仲满足。
蛇羹+糯米饭套餐
$70
10 浏览
0 赞好
0 留言
张贴
