Coffee Jobs (已結業)

星期五放工又冇訂枱，搵嘢食都有一定難度，行到嚟呢度見到呢間Cafe竟然仲有位，於是就試一試佢。叫咗一個黑松露意大利飯配沙律，同埋一個德國鹹豬手配沙律，黑松露意大利飯就真係唔係咁正宗，啲飯嘅口感有啲奇怪，唔似真正嘅意大利飯咁有咬口，佢比較似普通食開嘅泰國米浸林左咁樣。但個豬手就真係唔錯，大家睇相都見到佢個尺寸係好大，食落啲肉好腍，但個皮就好脆，亦都有好多骨膠原，不過就略嫌偏鹹。沙律有誠意，有切片嘅橙、車厘茄同埋一隻炸蝦，有驚喜。