影片
更多
2017-06-29
2149 浏览
早排先去完"Bistro" Pizza Hut食薄饼，估唔到隔无耐又嚟食薄饼，事缘早前同食友倾开依间「特别」嘅必胜客，佢话试过有间薄饼小店晌长沙湾，二人餐非常抵，再问详细啲位置，正正顺宁道尾，啱啱就喺上次一齐晌Choo Choo食饭嘅表姨甥女楼下，所以，索性揾佢聚一聚。对顺宁道几熟，因为有几个亲戚住呢区，佢话间铺喺Pizza Hut隔离，就大概知边度。而且，够瞻正正开晌Pizza Hut隔离，估计有一定嘅自信。餐厅冠以Cafe为名，内里装修都睇得出花过啲心思，仿水泥地砖，水泥墙身，蓝黑钢椅，水喉通壁灯，带点粗犷嘅工业风。加上楼底够高，空间感足。两组餐牌，一个喺主餐牌，主要罗列晒所有散点菜式，设计精简，类别分为小食、鸡类、烧烤、沙律、薄饼、意粉、焗饭、甜品、多人套餐及饮品。另一组喺啲套餐超值餐牌，主要都喺一个人份嘅，定价都算亲民，而且，全日更免收加一。就喺因为听食友推介咗佢个「豪华二人套餐 」（$178）超抵食先会嚟，所以，未坐落已笃定叫呢个餐。虽则话二人餐，但份量足3个人食，包餐汤两客、任何款式嘅6吋薄饼、细凯撒沙律、饭、粉、小食类任择1款，鸡类 2 件或细酱烧猪肋骨、咖茶2杯。顺便讲
对顺宁道几熟，因为有几个亲戚住呢区，佢话间铺喺Pizza Hut隔离，就大概知边度。而且，够瞻正正开晌Pizza Hut隔离，估计有一定嘅自信。餐厅冠以Cafe为名，内里装修都睇得出花过啲心思，仿水泥地砖，水泥墙身，蓝黑钢椅，水喉通壁灯，带点粗犷嘅工业风。加上楼底够高，空间感足。
两组餐牌，一个喺主餐牌，主要罗列晒所有散点菜式，设计精简，类别分为小食、鸡类、烧烤、沙律、薄饼、意粉、焗饭、甜品、多人套餐及饮品。
另一组喺啲套餐超值餐牌，主要都喺一个人份嘅，定价都算亲民，而且，全日更免收加一。
就喺因为听食友推介咗佢个「豪华二人套餐 」（$178）超抵食先会嚟，所以，未坐落已笃定叫呢个餐。虽则话二人餐，但份量足3个人食，包餐汤两客、任何款式嘅6吋薄饼、细凯撒沙律、饭、粉、小食类任择1款，鸡类 2 件或细酱烧猪肋骨、咖茶2杯。
顺便讲吓，依度茶水、餐具自助，既然无收服务费，就更加唔介意自己招呼自己啦。
然而，一堆调味料如辣椒仔、茄汁、芝士粉……等等，早已放晒晌枱面自由任用，够大方唔使成日烦到啲店员。
芒果森林 +$17见个套餐咁抵，所以，就贪得意加钱试试沙冰系列嘅芒果森林，即喺芒果沙冰，入口超冰凉，非常之爽，芒果咪亦颇浓郁，唯一美中不足喺沙冰未够幼细，仲有些微冰粒感。
海洋世界 +$12表姨甥女见我转特饮，佢都唔执输，试咗梳打系列嘅海洋世界，颜色好靓，同样感觉清爽，味道就唔喺好特别，喺加入蓝色糖浆嘅柠檬梳打。
罗宋汤、忌廉汤餐汤嘅选择就比较普通，港式西餐常见嘅红汤、白汤，老实讲，质素又讲唔上有咩特别，叫做平稳，罗宋汤做番出应有嘅酸辣味，捞一捞原来亦有唔少料；忌廉汤口感绵滑，至少唔会太杰或太稀。
凯撒沙律兜沙律虽然较似一人份量，但做得有惊喜㖞，惊喜在于谂住水准唔会高，但啲罗马生菜冰凉爽脆，酱汁捞得均匀，配上脆口嘅面包粒同烟肉碎，更撒上芝士粉，真喺交足货。
海鲜阔条面因为薄饼已选定泰式辣香鸡口味，又有一客细猪肋骨，咁多肉，所以，就拣海鲜阔条面。虽然唔喺咩靓料，但虾肉、鱿鱼、蚬肉、蟹柳铺得满满，又加上唔少芝士，焗得金黄。食味的确不俗，好甘香，唯少少可惜喺啲阔条面有些微腍身咗，未够最咬口嘅状态。
泰式辣香鸡薄饼餐牌喺咁样形容个薄饼：泰式辣酱、洋葱、青椒、蘑菇、菠萝、鸡肉、黑胡椒及加倍芝士，一拉起件薄饼，果然芝士加倍，多到冚实晒啲馅料，啱晒我啦，今次连芝士粉都唔使落。薄饼喺厚批格，入口十分松软带少少脆口，馅料丰富，配搭效果唔错，小弟本身唔喺好算食得辣，但觉得再辣多点就显得更有个性。
酱烧猪肋骨（细）话喺细份，都有成6支骨，烧得焦香吸引，食猪肋骨点可以用刀叉，揾手拎住食就最滋味，饮住杯沙冰，不知几过瘾。啲猪肋骨做得有水准㖞，肉质松化又唔嚡，未算肉汁丰盈但绝不干身，而且好入味，又有焦香感。加埋啲脆香薯角，不油不腻，真好！
总结而言，薄饼做得有水准，个二人餐的确超抵食，饱到上心口，只喺对普遍嘅人嚟讲位置吊脚啲，但相信佢哋都喺以街坊客为主，故定价咁亲民，实行薄利多销，值得支持吓嘅小店。
张贴
