影片
更多
2016-02-26
684 浏览
直觉嘅印象，觉得必胜客年年过农历年都好似推出芝士7重奏系列嘅薄饼，不过，次次都会稍稍改头换面搞啲新花样。趁细佬生日，嚟到西九龙中心嘅必胜客，一家人食番餐贺一贺佢。话时话，都好耐无过嚟西九龙中心喇！咪嘘我请细佬食生日饭拣嚟食必胜客，查实佢食嘢要求唔高，大众化嘅餐厅仲啱佢，无咁拘束，反而高档啲嘅佢都觉得唔自在 。事实上，必胜客又真喺既大众化，薄饼又多花款，自然有其吸引力，今晚嚟到，坐吓坐吓又全场爆满。唔使多讲，佢啲套餐一向抵到烂，所以，主餐牌就唔需要多睇，直接晌套餐餐牌度拣。就算芝士7重奏套餐都有几款，所以，贺细佬牛一就拣个叫最贵嘅精选2人套餐，其实都只不过喺$293 + 10%（信用卡折扣价）。仲要包餐饮2杯、餐汤2客 、沙律、薯蓉、饭面及普通批，够晒我哋3个人食啦，查实如果真喺两个人食，都唔知点食得晒 。点套餐可以以6折价加配其他嘢食，如白酒煮青口、芝士蛋糕、焗苹果酥……等等，但个餐咁多嘢食，都已经食到我哋肚涨，所以，今次都用唔着依埋优惠。睇番以前啲食评，依等「升级优惠」，以前喺以半价点选，不过，依家做六折都仲喺好抵。餐饮嘅选择都喺几款梳打特饮、咖茶及汽水。 冻柠茶细佬都仲喺热血
咪嘘我请细佬食生日饭拣嚟食必胜客，查实佢食嘢要求唔高，大众化嘅餐厅仲啱佢，无咁拘束，反而高档啲嘅佢都觉得唔自在 。事实上，必胜客又真喺既大众化，薄饼又多花款，自然有其吸引力，今晚嚟到，坐吓坐吓又全场爆满。
唔使多讲，佢啲套餐一向抵到烂，所以，主餐牌就唔需要多睇，直接晌套餐餐牌度拣。
就算芝士7重奏套餐都有几款，所以，贺细佬牛一就拣个叫最贵嘅精选2人套餐，其实都只不过喺$293 + 10%（信用卡折扣价）。仲要包餐饮2杯、餐汤2客 、沙律、薯蓉、饭面及普通批，够晒我哋3个人食啦，查实如果真喺两个人食，都唔知点食得晒 。
点套餐可以以6折价加配其他嘢食，如白酒煮青口、芝士蛋糕、焗苹果酥……等等，但个餐咁多嘢食，都已经食到我哋肚涨，所以，今次都用唔着依埋优惠。睇番以前啲食评，依等「升级优惠」，以前喺以半价点选，不过，依家做六折都仲喺好抵。
餐饮嘅选择都喺几款梳打特饮、咖茶及汽水。
冻柠茶细佬都仲喺热血青年，所以，整番杯冻柠茶解解口渴之余，佢话食薄饼点都要饮冻饮先过瘾。
柚子热情（热）小弟无佢咁热血，外面都仲喺天寒地冻，饮杯热饮划算啲，小弟就要咗杯热柚子蜜，现成货冲出嚟，唔会特别成点，唔冲得「稀淋淋」都收货。
蘑菇忌廉汤、周打蚬肉汤除依两款之外，餐汤仲有意大利菜汤可选。唔使多讲，大家都知佢啲汤喺咩质素，比较喺港式西汤，两款汤可以话同一个汤底「忌廉汤」，只喺一个加蘑菇，另一个加蚬肉，可以讲喺味道无咩分别，不过，个周打蚬加啲忌廉，又糁啲香草，感觉较有诚意啲。
烤鸡凯撒沙律 虽然话喺二人餐啫，但份沙律又唔使大到咁啩，一大碟铺满凯撒沙律及烤鸡。话喺凯撒沙律，都喺迤版，生菜还生菜，酱还酱，洒啲烟肉碎及芝士粉而已；幸而啲罗马生菜几爽脆，只嫌啲烟肉粒轧得太粗。至于啲烤鸡，喺健康版，无晒鸡皮，又好似白烚咁，味道好好好一般！
焗白汁烟肉薯蓉 以前细细个几钟意食佢啲薯蓉，觉得好幼滑，又唧晒花咁，依家佢啲薯蓉都唔喺差，几香几滑；不过，加啲白汁就有啲无鬼谓，因为搞到啲薯蓉削晒 。
卡邦尼鸡肉宽条面 主食就3拣1，其余两款喺香蒜大虾炒意粉或芝士海鲜焗饭。虽则话卡邦尼，查实只喺白汁寛条面，唔觉有蛋香，面条又有轻微过腍；不过，𩠌料十足，面内有好多鸡肉、烟火腿及蘑菇，最欣赏喺啲蘑菇用新鲜货色，仲炒过嚟，可惜入口唔知点解喺凉嘅，而唔喺热辣！
海鲜珍味（普通批） 薄饼又喺3拣1 （海鲜珍味、烤鸡蜜桃、芝士7重奏），最前者感觉好似几好，好似好多料，有中虾、蚬肉、鱿鱼圈、黑橄榄、蜜桃、车厘茄、毛茄配巴马臣芝士及红香草酱。
两年前都试过佢嘅芝士7重奏小龙虾带子批，印象中觉得唔错，「芝士7重奏」亦唔喺浪得虚名，喺唔同位置都加入唔同嘅芝士，虽然，就算写明边7款芝士都未必食得出，但食得到几款唔同嘅芝士香味 ！再者，配料亦唔欺场，啖啖海鲜，又几钟意佢哋混入蜜桃、车厘茄、毛茄，令味道多添几分清新，批底又软绵，确喺几好食。
虽然餐汤、沙律、宽条面有点失色，但个薄饼大家都觉得好好食。虽然话好又一餐，唔好又一餐，最紧要投其所好，大家都啱食嘅，自然变为好嘅一餐，令我想起佢哋嘅口号：「开心时刻Pizza Hut」！
张贴
