品曲奇 (國際金融中心商場)

营业中

休息中

最近要囤各种货，恰好经过IFC发现呢间香港本地曲奇品牌售卖多款充满香港特色嘅曲奇饼。店舖环境同店员嘅服务质素都相当唔错，让我都安心逛了一会儿。杂锦曲奇($208)最吸引我，有8款口味，可一次试匀趣怪新奇嘅配搭真系超啱钟意尝鲜嘅我。杂锦曲奇内容物有XO酱曲奇、香辣虾米曲奇 、葱油鸡曲奇、陈皮子姜曲奇、杏脯迷迭香曲奇、提子花旗参曲奇、七味粉曲奇、红枣曲奇。我最钟意就系葱油鸡曲奇同埋红枣曲奇，前者有港式鸡仔饼风味，后者食落几养生。而最惊喜系七味粉曲奇，辣劲几突出，夹杂埋坚果更增加口感。本身以为香辣虾米曲奇同XO酱曲奇会好似，食后发现XO酱曲奇多咗阵油香同埋瑶柱嘅香气。迷迭香平时用开嚟整西餐，加入曲奇再衬埋杏脯原来都几夹，香料味温和唔会抢咗杏脯嘅味道。提子花旗参曲奇嘅花旗参味香而不苦涩，都值得一试！另外佢地最近出嘅全新口味有4款，分别系咸蛋虾膏曲奇、特浓朱古力曲奇、香橙夏威夷曲奇、南乳秋葵曲奇。我有试咗其中两款，香橙夏威夷曲奇系果干同坚果嘅结合，钟意香橙粒系入面几清新！而咸蛋虾膏曲奇咸香十足，虾味突出仲有脆脆嘅碎屑好似樱花虾嘅香脆口感。