星願 居酒屋 (已結業)

放工经过呢间餐厅，又想食日本嘢，谂都唔谂就冲咗入去😳😳结果梗系好食啦！餐牌都几多选择，有手卷有寿司有有晚市套餐又有串烧又有拉面等等，但今日小妹自己一个人，叫唔到咁多嘢食，唯有等下次约埋朋友仔先一齐食多啲啦😍既然系咁，我自己一个人就梗系食过刺身丼饭啊，拣咗个名非常之靓嘅当饭食「星愿海胆丼」❤️个饭嘅刺身非常之丰富，有三文鱼腩、吞拿鱼、油甘鱼、带子、甜虾、甜蛋同主角海胆啦🤤真系平时食开嘅刺身集于一身，又啱晒选择困难嘅我，因为我样样都想食啲 🙈所有刺身都非常之鲜甜美味，个海胆一睇到只色就知道新鲜无敌，食落去劲鲜甜，有海水味👏🏻另外个带子同甜虾都啖啖肉咁，好鬼死正！而三文鱼腩刺身有独有三文鱼味，yummy!