胡爐 (已結業)

近日疫情稍作放缓，小妹就相约好友出嚟补足佢嘅生日啦。友人系一名火锅控，所以对打边炉有一定嘅要求嘅。我今次就拣咗位于尖沙咀H8嘅「胡炉」试吓啦，好友都对我今次嘅选择十分满意😆「胡炉」嘅卖点系高质火锅汤底，系名符其实可以饮嘅汤底😋我地今次就拣左浓汤佛跳墙鸡翅锅，一上台就俾个座翅山同两只鲍鱼吸引住，另外仲有佛跳墙唔少得嘅海参、鸡件、花胶、金华火腿同大白菜🥬。记得记得系打边炉之前要先起码饮一碗足料嘅高质老火汤。讲真净系食佛跳墙嘅汤料都已经饱咗一半。但嚟得打边炉又点可以唔叫火锅配料呢，我地都叫咗几样野嚟试吓嘅。西班牙黑毛猪豚肉片 $188一客都有成10几片，仲要块块都系微厚切嘅，唔会好似出面咁薄切到透明。仲要雪花分布平均，唔会有肥腻感，反而系爽口又猪味浓郁👍手工云吞 $58 / 手工干贝带子饺 $52「胡炉」另一样必试之选记系哩到嘅手工饺，粒粒饱满又足料，每粒云吞入而都有原只鲜虾加上弹牙嘅猪肉馅，劲满足。哩到仲可以叫半份/全份，人少嘅咪可以叫半份试多几样野。