杏甜品 (香檳大廈) (已結業)

香港周围都系甜品店，平日同fd试唔少，呢间真系好值得encore，以杏仁为主题既甜品店，足料低糖又健康。小店以白、绿两色为主色调，配搭木系家具，感觉简洁、清新、自然，同品牌理念好相似。👍🏻招牌杏汁波波爽冰木莲冻 $65.0 （单球芒果奶昔爽冰+杏汁）第一次听同食木莲冻，觉得好新奇，网上揾左少少资料了解下，原来木莲学名叫「薜荔」，系一种藤本植物，系绍兴夏天一款好常见既小食，通常会加薄荷水、糖粉或者蜂蜜一齐食。木辣莲冻外表同凉粉好相似，食落滑嫩柔软，比凉粉再腍d，但无乜味😯所以要配埋有甜味既杏汁同爽冰一齐食，冰凉爽滑🤤芒果奶昔爽冰几香芒果味，加埋波波珠同小丸子，口感丰富又唔会过甜☺️份量足够2人分享。👍🏻椰皇桃胶炖双皮奶 $67（杏汁）劲多桃胶😍而且浸发充足，食落口感少少Q同Jam口🤤，加埋热辣辣又香浓幼滑既杏汁双皮奶一齐食，清甜唔会腻，劲正😋美颜养生，必食推荐！我连椰皇肉都食得一干二净🤣软糯又带椰香味，食得唔好浪费🙈抹茶汤圆两粒 $10口感烟韧，绿茶流心一咬爆汁，味道清新。