利寶閣 (已結業)

平时间唔中都会夜晚同屋企人出街食，今晚就同屋企人黎到呢度饮茶。平日既人流唔算多，所以好快就可以入座喇。打开餐牌，每款除左字之外都有图片，非常贴心！除左散叫，都有套餐。不过因为系日常食下饭，所以我地都系散叫小菜喇。我地叫左普洱，茶味比起好多酒楼都更香。前菜系酸酸甜甜既腌菜，几开胃。由于见做紧promo，就叫左 谷饲豚肉叉烧饭 加 原盅佛跳墙 ，$188 。因为系一人份量，所以一盅佛跳墙唔会好大，不过千祈唔好睇小佢，因为入面真系超足料架，有海参仔、鸡、有鲍鱼仔、有菇、有翅、有瑶柱等等。而且个汤好浓，好好饮。呢个系谷饲豚肉叉烧饭，比较怀旧既感觉，而且系用公鸡碗添！而最想讲系呢旧叉烧，松软淋滑，而且烧汁好香，超好食。葱花青瓜海蜇，好爽口开胃，用黎做第一碟主菜系一流。脆皮香芒虾球，香芒够晒甜而且大大粒，虾系比够淋身而唔系爽口，不过够晒大只，而且都有成六粒架！千叶豆腐味道清清地，豆腐好滑身。另外除左讲紧好唔好食之外，都好考刀功，见佢一块块咁薄又整齐就知刀功一流喇！彩塘安格斯牛柳粒，呢个好钟意食，牛肉既牛味重之余淋身而且无筋，菇好弹牙。因为有分$108小同$168例，一开始我地叫左$108小，结果因