餃掂手工餃子雲吞專門店 (已結業)

呢间饺掂系以前已经食过几次, 估唔到今日再黎食已经咁受欢迎,之后有其他食客都要等位, 亦有唔少人黎买生饺酱料比以前齐备得多, 架上放了醋, 酱油, 辣椒酱都有两款选择仲有我喜爱既腌菜, 好多种类, 前几次黎食都有, 尤其酸萝卜, 爽口又开胃辣椒就小的辣, 大的反而不辣黎到唔使讲一定系食饺子呢度o既煎饺系生煎o既, 煎出黎底面呈金黄色, 饺子皮外脆内软, 脆皮面积大饺子皮薄, 生煎都煎得咁靓又唔烂, 好野~我食过其他饺子店, 为求快, 将饺子先煮熟, 才拎去煎, 效果的确无咁好韮菜好啱用黎煎, 可以突出韮菜香嫌韮菜饺重口味的话, 可以试下其他饺子, 好多种类, 松茸饺, 粟米饺, 芝士饺, 云耳饺, 白菜饺, 菜芯饺, 莞茜饺, 种类好多虽然自己唔钟意食莞茜, 但莞茜饺的确唔系到到有得食, 而且听到唔少人棒场一款饺子当然唔够食, 另外叫左至尊松茸饺同粟米饺松茸饺系呢度招牌菜, 又呢到先有得食饺子的松茸味浓郁, 味道独特, 猪肉份量多汤饺o既汤系老火汤黎, 真材实料好有屋企既味道, 觉得味淡可以自己加盐粟米猪肉汤饺, 粟米粒同猪肉分布平均D食得出粟米新鲜甜味最后两碗汤都饮哂, 饮完都唔口干