馬辣台式鴛鴦火鍋 (大鴻輝(荃灣)中心) (已結業)

早兩日同朋友一早訂好枱，去荃灣大鴻輝馬辣鴛鴦火鍋，放題滿足一番！因為天氣剛剛轉涼 打邊爐確實係上佳選擇，好彩我哋早一日訂枱， 因為上到去8樓已經迫到水洩不通 walk in等候補迫爆成層樓！我們點了一個鴛鴦火鍋，湯底係中嘅麻辣及胡椒豬肚， 麻辣湯底十分足味，裏面仲有豬紅 麻辣等配料，正！ 胡椒豬肚鍋，豬肚很入味！我哋主要都係食海鮮及靚肥牛，大蝦真係有成隻碟咁長，而且十分新鮮，肉質結實彈牙！必食推介係美國頂級牛梅花， 脂肪不算太多，牛肉味豐富！自助吧仲有即做韭菜餃，韭菜比例較多，入口皮薄餡靚！仲有啫喱，甜品，水果等等， 最緊要係仲有多款靚雪糕， 真係比其他自助火鍋放題更多選擇！