百芳池上便當 (大河道) (已搬遷) 新店位置

早几日放工见冇落雨，谦谦又补完习温好书， 佢要求比佢去公园放下电，去左荃湾广场5楼玩左一会，个猪仔已经湿哂面都红卜卜又话肚饿又话口渴。我就同佢行去对面Aeon 的百芳池上便当到食晚餐。百芳d 便当做得几好，有粟米粒蔬菜配肉一个个便当方便小朋友食。我地就叫左两个便当加两杯饮品。⚛ 台湾盐酥鸡便当 ～ 盐酥鸡同我系台湾食的风味一样😍😍😍超级香酥味道一流， 便当内仲有粟米，炒粉丝，椰菜好丰富。⚛ 台湾焢肉便当 ～ 哗比佢成大旧焢肉霸左成个便当，份量好足，焢肉入味软腍，加上旁边的菜圃好惹味。⚛ 皮蛋豆腐 ～ 好吸引的皮蛋，下层豆腐吸哂d 酱汁味道可口，豆腐仲要超滑溜好似食紧豆腐花咁。🧋 芝士奶盖红梅果茶 ～ 我杯红梅酸酸地饮落又有果香，上面层芝士奶盖好厚身，抵赞。🧋 芝士奶盖金萱青茶二重奏 ～ 谦谦就喜欢青茶，味道清香扑鼻，奶盖点缀下带一点点咸味，唔错呢！