萬華糖水店

营业中

休息中

讲到经磡近期最 hit 嘅长龙店一定系呢间「万华糖水店」。排长龙嘅原因唔止系媒体介绍咁简单，最紧要系足料又抵食！手工芋圆由老板每日亲自预备，由到街市买新鲜芋头同番薯，到削皮、蒸熟、压成蓉，再搓成大大粒芋圆同地瓜圆。因为芋圆都系全部人手制作，所以每日限量供应。每日下午 6点开店，差唔多 8点就会卖晒。要食真系要计准时间啊！ 比起一般芋圆同地瓜圆大 3倍，成粒擦胶咁大。虽然唔太烟韧，不过就口感十足，芋头味重，大大啖好有满足感。而且一碗 $25 嘅综合汤圆，一碗就有齐汤圆、西米、薏米、芋圆同地瓜圆，再加上红豆沙同绿豆沙，用料十足，比起之前深水埗新开间芋圆店足料 10倍呢！难怪咁受欢迎！