牛霸小麵店 (已結業)

无意中响Openrice见到哩间新开嘅台式牛肉面店，见到评语唔错就黎试下啦～虽然餐厅座落于一条黑咪蚊嘅隐蔽后街，门口卫生环境麻麻地，但系店里面光线非常充足，清新柔和嘅装修同摆设，恍惚去左台湾啲cafe咁，感觉即刻唔同晒～叫左个牛腩牛筋面，份量十足，牛肉一啲都唔韧，仲几爽口同有质感；面一开始食系几弹牙，又几入味，但系可能我挂住影相放左阵先食，变左啲面好似好快就开始淋喇😅 汤嘅味道浓郁得黎唔会饮到好口渴，非常之唔错😋😋台式饮品就正正常常啦，唔算有太大惊喜。如果约埋三五知己食下野倾下计，哩度系一个几好嘅选择😃👍🏼 今次嘅体验非常唔错，有机会可以再试下哩度其他菜式😁😁