炊豕店 (曉悅) (已結業)

寻晚同几个fd 系长沙湾睇戏，睇完戏去左附近一间台湾餐厅到食饭，坐低已经比隔离枱个d肉燥香味吸引到，我地叫左两个肉燥卤蛋饭，一个葱油猪扒饭，一个大阪烧猪扒饭，一个卤水牛展，一个肉燥冻豆腐，同埋4支豆浆。啲饭嚟到我发现原来啲木鱼嘅香味仲吸引，个肉燥冻豆腐加埋啲木鱼嘅香味将冷盘嘅层次升华咗。值得一提，系佢个卤肉饭，卤肉汁煮得非常好食再加埋佢系用珍珠米，每粒饭都烟烟韧韧，5、60蚊既价钱d饭仲要大大碗，真系足料抵食，卤水牛展方面，牛展煮得非常冧，充满卤水汁，食到佢嘅卤水味非常丰富，另外佢餐厅环境，灯光光猛，座位宽阔，除咗有矮身枱櫈坐之外，亦有一啲高身嘅枱櫈坐，总括而言，如果大家太耐冇去台湾旅行，而又想食台湾美食嘅话，推介呢一间餐厅就最好不过，佢可以令你揾返台湾美食嘅味道。