名館 (已結業)

「名馆」已经系我近大半年最喜爱去嘅食店，由第一次好友欢聚到依家嘅家庭聚餐，每一次嚟到会叫到满枱食物，只因为真系太美味了！尤其佢哋嘅炖汤，真系饮过返寻味👍🏼👍🏼👍🏼，知道最近换咗新餐单，就即刻叫咗个“川贝海底椰炖鹧鸪”呢保养吓气管，炖汤鲜甜清润正合依家秋凉天气饮用。另外佢哋嘅“糖心黑蒜炖响螺”同样材料丰富鲜甜味美喔⋯⋯ 前菜我都有心水选择，就系“京川汁秋葵”喇，呢个汁带蒜香同小小辣👍🏼，好醒胃呀⋯⋯新餐单另一吸引我嘅就系“藜麦菌皇炒饭”，味道唔错㖞👍🏼，藜麦同白米嘅份量适中再加上阵阵菌香，饭又炒得干身不会油腻，绝对系一个健康好选择👍🏼👍🏼。而甜品方面，佢哋做得非常精致，但我同屋企人都系最爱“够姜千层糕”，糕身烟烟韧韧又够姜味，热辣辣上枱真系忍唔住要食多件呀👍🏼👍🏼😋。