京城 (已結業)

鲗鱼涌出名多平民野食，今日放Lunch行左20分钟鲗鱼涌，最后决定入左呢间店食水饺。平日Lunch黎讲都算多人等，不过咁岩我一个人，等左5分钟左右就入左去。水饺嘅款式黎讲算好多，有最传统韭菜，亦有比较高级嘅三鲜同罕有嘅京葱羊肉。不过价钱上$70/10粒我个人觉得有少少贵。京葱羊肉 + 三鲜水饺 (5/5)  $70上到枱，我有少少惊讶系个份量上比起其他饺子店相对细只少少，但又未去到人地云吞面个D Size。讲番味道先，三鲜饺只虾同肉近乎一比一比例，用料唔错，虾十分弹牙。而京葱羊肉饺个调味相对黎讲比较重，基本上唔会食到羊肉味，不过加埋京葱变到好有口感。但系可惜个份量食完系唔够一个正常成年男人饱，埋单比钱先知原来可以+$10 加多个面。